3 Empleyado ng MDRRMO, niratrat-patay

3 Empleyado ng MDRRMO, niratrat-patay

Patay ang tatlong empleyado ng Municipal Disaster Risk Reduction and Management Office (MDRRMO) na nakaupo sa tabing kalsada nang pagbabarilin ng mga hindi pa matukoy na salarin sa Buluan, Maguindanao.
Sa ulat, pinagbabaril ang mga biktima na hindi pa pinangalanan ng mga salaring nakasakay sa kotse.
Mabilis na tumakas ang mga salarin patungo sa Tacurong matapos ang insidente.
Kinondena ni Maguindanao Second District Representative Esmael Mangudadatu ang krimen.
Patuloy ang imbestigasyon ng mga awtoridad sa nangyaring pamamaril.
Agad namang ikinasa ang hot pursuit operation laban sa mga salarin.(PFT team)