Robredo kay Duterte: ‘Yung banat mo parang hindi pampresidente

MARIING kinondena ni Bise Presidente Leni Robredo ang pinakahuling banat sa kanya ni Pangulong Rodrigo Duterte kaugnay sa vaccination program ng pamahalaan laban sa COVID-19.
Sinabi ng Bise Presidente sa isang panayam, na ang dating sa kanya ng mga pahayag ni Pangulong Duterte ay parang hindi umano presidente ang nagsasalita.
Pinuna rin ng bise presidente ang umano’y pagiging pikon ng Pangulong Duterte.
Iginiit din ni Robredo na ang isyu ay hindi lamang daw sa pagbigay ng pera sa kanya para mamalengke ng COVID-19 vaccines.
Matatandaang, inihayag ni Pangulong Duterte kamakailan na bibigyan niya raw ng pera si Robredo para bumili ng bakuna.
Paliwanag ng Pangulong Duterte, pahirapan daw ang pagbili ng bakuna ngayon dahil sa mataas ng demand sa iba’t ibang bahagi ng mundo. (Josephine Patricio)