LJ enjoyin ang pagiging single kasama ang mga anak
Advertisers
Ni GERRY OCAMPO
NAKA-all black attire si LJ Reyes nang dumalo sa New York Fashion Week Spring Summer 2022.
Masayang-masaya ang fans at supporters ng actress dahil nakapustura na ito. Nangangahulugan lang na unti-unti nang nakaka-move on si LJ sa paghihiwalay nila ni Paolo Contis.
Samantala, siguradong matutuwa si LJ kung mababasa nito na maraming nagmamahal sa kanya at sa mga anak na sina Summer at Aki. Magugulat siya dahil karamihan ay hindi niya kilala pero nakasuporta sa kanya at nagmamahal.
Kaya lang may mga tao pa ring hanggang ngayon ay apektado sa hiwalayang Paolo at LJ. May isang nag-comment nga na at least si LJ nasa New York samantalang ang isa (si Yen Santos) hanggang Baguio lang.
May nagpayo naman kay LJ to spread her wings at i-enjoy ang ang pagiging single with her two kids.
Natuwa rin ang mga nagmamahal kay LJ na nakangiti na ito sa bagong upload na larawan na kasama si Summer for a product.
Sana nga ay matagpuan na ni LJ ang kasiyahan at katuparan ng kanyang mga pangarap sa ibang bansa. At higit sa lahat makatagpo ng tunay na magmamahal na sasamahan siya habambuhay.
***
Dennis Trillo naging fan sa Venice International Film Festival
SINABIHAN ni Direk Erik Matti si John Arcilla kung paano nito dadalhin pauwi ang napalunang best actor sa ginanap na 78th Venice International Film Festival para sa pelikulang On The Job: The Missing 8 dahil mabigat daw ito.
Kaagad na sagot ni John kay Direk Matti, “OMG! Wag na wag mo iiwan yaaan diireeek! Naman pleaseee!”
Sinagot ito ni direk Erik na, “Congratulations!!! You deserve it! Tinalo niya si Pareng Benedict and Oscar.”
Ang tinutukoy ni Direk Matti ay ang foreign actors na sina Benedict Cumberbatch at Oscar Isaac.
Sa pagkapanalo ni John ng best actor sa Venice International Film Festival ay nakahilera niya sina Brad Pitt, Ben Affleck, William Defoe at Joaquin Phoenix.
Si Dennis Trillo naman ay tinawag na Tito Bong ang award winning director na si Bong Joon-ho na nakilala niya sa 78th Venice International Film Festival.
Nagmistulang fan si Dennis nang papirmahan sa director ang hawak niyang libro na Paradise.
Makikita sa ipinost na photo ni Dennis na katabi niya si Bong Joon-ho habang hawak niya ang libro at ipinasilip din ng actor ang pirma ng director.
Nainggit naman kay Dennis ang fans ng director dahil mahirap na raw mangyari uli ito. Nagpa-picture rin si Dennis kay direk Chloe Zao na siyang nagdirek ng Nomadland.