Limited face-to-face classes sa kolehiyo aprub na sa IATF

PINAYAGAN na ng Inter Agency Task Force on Emerging Infectious Diseases (IATF) ang limited face-to-face classes sa lahat ng kurso sa kolehiyo na nasa ilalim ng alert level system.

Base sa IATF Resolution 148-G, ang Phase I implementation ay magsisimula sa Disyembre 2021 para sa mga higher educational institutions (HEI) sa ilalim ng alert level 2.

Samantala, ang phase 2 implementation para sa mga HEI na nasa ilalim ng Alert level 3 ay magsisimula sa Enero 2022.

Ilan sa mga kondisyon ng limited face-to-face classes ay 50% capacity, may indoor venue at dapat payag din ang local government unit na nakakasakop sa paaralan, at limitado lang sa mga fully vaccinated na estudyante, guro at non-teaching personnel. (Jonah Mallari)