Covid update: 237 bagong kaso; 565 gumaling; 100 nasawi
Advertisers
NAKAPAGTALA na lamang ng 237 bagong kaso ng COVID-19 ang Department of Health (DOH) sa bansa nitong Miyerkules, Disyembre 15.
Mas mataas ito ng dalawang kaso, kumpara sa 235 bagong kaso ng COVID-19 na naitala sa Pilipinas noong Martes, Disyembre 14.
Batay sa DOH case bulletin #641, nabatid na sa ngayon, ang total COVID-19 cases sa bansa ay nasa 2,836,915 na.
Sa naturang kabuuang bilang, 0.4% na lamang naman o 10,193 ang aktibong kaso o nagpapaga-ling pa mula sa karamdaman.
Sa mga active cases naman, 3,876 ang mild cases, 3,492 ang moderate cases, 1,867 ang severe cases, 567 ang asymptomatic at 391 ang kritikal.
Mayroon din namang 565 mga pasyente pa ang gumaling na rin mula sa sakit, kaya’t sa kabuuan, nasa 2,776,273 na ang total COVID-19 recoveries sa bansa o 97.9% ng total cases.
Nakapagtala rin naman ang DOH ng 100 pasyente na namatay sa sakit.
Sa kabuuan, nasa 50,449 na ang COVID-19 deaths sa bansa o 1.78% ng total cases. (Andi Garcia/Jocelyn Domenden)