Albie Casiño dream come true ang maging TV host

Mapapanood siya sa interactive P-Pop talent reality competition na Top Class: The Rise To P-Pop Stardom na nag-start na noong June 18 sa TV5 at daily via KUMU.

Ang host dito ay ang Miss Universe 2018 na si Catriona Gray. Co-host naman sina Albie at ang sikat na Youtuber na si Yukii Takahashi. Ang mahusay na singer na si KZ Tandingan ang vocal mentor, si Brian Puspos ang dance mentor, at si Shanti Dope naman ang rap mentor.

Saad ni Albie, “Of course, oo, totoo, dream come true ito na maging host ako. Lagi nila akong sinasabihan na, ‘Try mo kayang mag-host?’ Eh, kasi takot akong magbasa eh, may dyslexia ako.”

Pagpapatuloy pa niya, “So, kapag may prompter, natatakot ako, nagfi-freeze ako before. Pero like ngayon, siyempre sa lahat naman ng bagay, habang patagal nang patagal mong ginagawa, gumagaling ka sa bagay na iyon.

“So now, gets ko na, kapag nabasa ko na yung promper, okay na, alam ko na yung talking point nito. So, kahit hindi ko sundan yung prompter, alam mo yun, may style na ako.”

Ang 30 Top Class contenders ay binubuo nina Dean Villareal, Bulacan; EL Mendoza, Batangas; LX Reyes, Bulacan; Justine Castillon, Cavite; Kim Huat Ng, Bacolod; Harvey Castro, Bataan; Joshuel Fajardo, Kuwait; Gilly Guzman, Quezon City; Kenzo Bautista, Bulacan; Seb Herrera, Laguna; Denver Dalman, Cebu; Francis Lim, Caloocan; Trick Santos, Caloocan; Jascel Valencia, Manila; Tanner Jude, Quezon City; Jon Laureles, Spain; Clyde Garcia, Ilocos; Matt Cruz, Bicol; Timothy Tiu, Quezon City; Brian Zamora, Makati City; Jeff Cabrera, Cebu; Roj Concepcion, Bulacan; Jai Gonzales, Mandaluyong; Chase Peralta, Katipunan; Dave Bono, Tondo; Ash Rivera, Baguio; JC Dacillo, Bulacan; RZ Condor, Cebu; Niko Badayos, Bacolod; at Gab Salvador, Batangas.

Mapapanood ang Top Class: The Rise to P-Pop Stardom sa Kumu-daily streaming at sa TV5, tuwing Sabado.

Sundan ang latest happenings ng trainees sa Facebook, Instagram, Twitter  sa @ropclassofc, sa Tiktok naman @topclassofficial, Top Class sa YouTube at topclass sa KUMU. At nasusubaybayan din araw-araw sa @topclassdaily. Powerhouses ang partners ng Top Class sa KUMU, TV5, Cignal Entertainment, at Cornerstone Entertainment.