Bawas presyo sa petrolyo ipatutupad sa Martes

MAGANDANG balita para sa mga motorista.

Magkakaroon ng bawas-presyo sa produktong petrolyo sa darating na Martes, Abril 25.

Batay sa final estimates ng mga taga-industriya ng langis, maglalaro sa P1.50 hanggang P1.80 ang presyo ng kada litro ng gasolina.

Nasa P0.80 hanggang P1.00 ang ibabawas sa kada litro ng diesel at P0.20 hanggang P0.40 naman ang ibababa sa kada litro ng kerosene.

Ilalabas naman ang official price adjustment ng mga kumpanya ng langis ngayong araw ng Lunes, Abril 24.