Palasyo tahimik sa magkahiwalay na pulong ni PBBM sa mga senador at kongresista

HINDI nagbigay ng detalye ang Malacañang tungkol sa naganap na Legislative Executive Development Advisory Council (LEDAC) Meeting.

Ayon kay Presidential Communications Office (PCO) Secretary Cheloy Garafil, executive sessions ang nangyari kaya’t itinuturing na confidential ng Palasyo ang lahat ng usapin dito.

Sa halip na LEDAC meeting, sinabi ni Garafil na nagresulta ito sa magkahiwalay na pagpupulong ni Pangulong Ferdinand Marcos Jr. sa mga senador at kongresista.

Nabatid na nagkakaroon ng alitan sa pagitan ng Senado at Kamara dahil sa pilit umanong pagsusulong ng People’s Initiative (PI) ng mga kongresista para sa pag-amyenda sa Saligang Batas na kinokontra naman ng mga senador. (Gilbert Perdez)