NCRPO CHIEF PINAPALAKAS ANG PAKIKIPAG-UGNAYAN NG MEDIA AT POLICE

NAGING matagumpay ang pakikipag-ugnayan na sinimulan ng National Capital Region POlice Office (NCRPO) sa pamumuno ni Acting Regional Director PMGEN Sidney S Hernia mula sa isang inspiring ‘meet and greet ‘ na idinaos noong Oktubre 28, 2024, sa Camp Bagong Diwa, Bicutan, Taguig City,

Sa naturang pagtitipon, pinagsama-sama nito ang mga District Director at Public Information Officer ng limang police districts ng NCRPO, press corps, at vloggers mula sa PNP at civilian media outfits, kung saan ay nagkakaisa sa kanilang misyon na palakasin ang ugnayan ng komunidad at transparency.

Ipinahayag ni Hernia ang kanyang pasasalamat sa patuloy na pakikipagtulungan ng mga mamamahayag, na itinampok kung paano nagpadala ng hinuhubog ng mga kuwentong ibinahagi ng media ang pangkalahatang imahe ng PNP.

Ayon kay Hernia, ang mga kuwento ng media ay may mahalagang papel sa pagbuo ng imahe ng PNP. “Sa pamamagitan ng pagbabahagi ng balanse, makatotohanang mga salaysay tungkol sa dedikasyon at integridad ng mga kapulisan, nakatutulong sa public’s trust at kumpiyansa ng publiko sa police force.

Ang makabuluhang pagtitipon na ito ay muling nagpatibay sa pangako ng NCRPO sa transparency, nagbibigay inspirasyon at nagtataguyod ng tiwala, integridad, at kumpiyansa ng publiko sa pagpapatupad ng batas. (JOJO SADIWA)