MGA BANTA NI SARA MAARI NANG IKATANGGAL NG PANGALAWANG PANGULO – GADON

ANG mga bantang binitawan ni Vice President Sara Duterte laban kay President Ferdinand “Bongbong” Marcos Jr. ay maaari na nitong ikatanggal sa kanyang pwesto.

Ito ang hayagang suhestiyon ni Presidential Adviser on Poverty Alleviation Secretary Larry Gadon para sa mga miyembro ng House of Representatives o Kamara na ideklara na Pangalawang Pangulo na incapacitated o’ wala nang kakayahang mamuno.

Sa kanyang video message nitong Sabado, sinabi ni Gadon na maaari nang tanggalin sa kanyang pwesto si Vice President Duterte as paraan ng pagdedeklara rito na siya ay incapacitated, dahil na rin sa mga binitawan nitong pahayag na siya ay kumausap na ng “assassin” para patayin ang Pangulo.

“Her threats to kill the President , the First Lady, Liza Araneta Marcos and Speaker Maritn Romualdez is a clear manifestation of an unstable mind and abnormal thinking, so therefore she is mentally incapacitated,” paliwanag ni Gadon.

Binitawan ni VP Duterte ang kanyang mga pahayag sa kanyang pulong-balitaan nitong Biyernes matapos dalawin ang kanyang chief of staff na si Zuleika Lopez na inilipat sa St. Lukes hospital matapos makulong sa House of Representatives, detention facility.

Paliwanag pa ni Gadon, dalawa ang paraan upang matanggal ang Vice President ng House of Representatives, bukod sa pagdideklarang ito ay ‘incapacitated na’, maaari din itong tanggalin sa pamamagitan ng impeachment.

Ito raw aniya, ay sa kadahilanang di maipaliwanag Vice President Sara ang daang milyong ‘confidential funds.’ ng kanyang opisina, kung saan na napunta.

“VP Sara may be removed from office for betrayal of public trust committed by her refusal to explain the disbursement of hundreds of millions of confidential funds,” punto pa ni Gadon.