VP Sara, iba pa kinasuhan ng QCPD

Pormal nang sinampahan ng kaso ng Quezon City Police District (QCPD) sina Vice President Sara Duterte, Vice Presidential Security Protection Group officer Col. Raymund Lachica at iba pa.

Mismong si QCPD Chief, Col. Melecio Buslig, ang nagtungo sa QC Prosecutors Office para maghain ng reklamo kasama si Lt. Col. Van Jason Villamor, hepe ng QCPD Medical and Dental Unit, na tumatayong complainant sa kaso.

Kaugnay ito ng insidente noong Sabado kungsaan pinigilan ni VP Sara ang ilang tauhan ng QCPD habang inaasistehan ang ambulansya na maglilipat sa kanyang Chief of Staff na si Atty. Zuleika Lopez sa ospital.

Ayon kay Col. Buslig, kasama sa isinampa nilang kaso ang Direct Assault, Disobedience to Authority, at Grave Coercion. (Almar Danguilan/Ernie Dela Cruz/Mark Obleada)