High ranking communist terrorist leader, nasakote

Napasakamay ng mga operatiba ng Northern Police District– District Special Operations Unit (NPD-DSOU) ang isang high-ranking leader ng Communist Terrorist Group (CTG) na nakatala bilang No. 1 Provincial Level Most Wanted Person ng Eastern Samar.

Naganap ang pagkaaresto sa wanted person 7:00 ng umaga, nitong araw ng Sabado sa kahabaan ng Langit Road, Phase 7B, Bagong Silang, Caloocan City, sa bisa ng dalawang standing Warrants of Arrest.

Isa ang kasong Murder na may petsang April 2008 mula sa Regional Trial Court ng Eastern Samar, at Direct Assault sa ilalim ng RPC Article 148 with Attempted Murder na inisyu noong December 9, 2021.

Mula sa Eastern Samar, kinilala ang akusado ni Northern Police District Director PBGen. Jerry Protacio ang Squad Leader ng isang armed unitsa ilalim ng CTG front committee na nag ooperate sa Southeast at nagtago sa batas sa higit 17 taon.

Sa tala ng Crime Research and Analysis Section ang akusado, dati pang nagkakaso ng Attempted Direct Assault sa Eastern Samar noong 2015 at Frustrated Murder sa Palawan noong 2018.

Sa koordinasyon sa NPD-DSOU, Northern District Intelligence Team – Regional Intelligence Unit NCR, Provincial Intelligence Unit ng Eastern Samar Police Provincial Office, at Giporlos Municipal Police Station, nasakote ang wanted person na bahagi ng intensified campaign against wanted persons at CTG personalities.

Kasalukuyang nasa kustodiya ng Northern Police District Custodial Facility Unit sa Kaunlaran Village, Caloocan City ang akusado habang hinihintay ang commitment order ng hukuman upang maiselda ang akusado.(Beth Samson)