Kauna-unahang pedestrian overpass itatayo sa tapat ng Mindoro State

IPINAKITA ni Oriental Mindoro First District Engr. Salvador Abad ang larawan ng kauna-unahang pedestrian overpass na itinayo sa tapat ng Mindoro State University sa Masipit Calapan City, Oriental Mindoro.

Sinabi ni Engr. Abad na nasa P30-milyon ang badyet sa proyekto kung hindi nito inalis ang mga unnecessary item na bumaba sa P23 milyon.

Ang naturang tulay ay magsisilbing daanan ng mga estudyante at mamamayan sa pondong ipinagkaloob ng tanggapan ni Congressman Arnan C. Panaligan sa DPWH.

Sa kasalukuyan patuloy ang ginagawang pagko-kongreto sa naturang tulay tulad ng paglalagay ng mga steel handles, drainage, hagdanan at bubong na matatapos ngayong Oktubre.

Kasabay nito nanawagan din ang opisyal na iwasan ang pagkakalat ng fake news sa social media upang hindi umano malito ang publiko. (Ronald Bula)