Buenavista, Agusan Norte host ng Minda IP Games

LAHAT ay handa na para sa Mindanao leg of the Indigenous Peoples (IP) Game sa Oktubre 11 at 12, magkatuwang na iniho-host ng Lalawigan ng Agusan del Norte at ng Munisipalidad ng Buenavista.

Ito ay kasunod ng huling pagpupulong para sa koordinasyon sa pagitan ng Philippine Sports Commission (PSC), na pinangungunahan ni Komisyoner Matthew “Fritz” Gaston, at ng mga lokal na opisyal na pinamumunuan ni Gobernador Angel Amante at Mayor Joselito Roble sa Kapitolyo ng Probinsya.

Ang lugar para sa event ay ang Buenavista Central Elementary School, kasama ang 11 LGU ng Agusan del Norte, kabilang ang Lungsod ng Butuan, na sasali sa kaganapang pinasimulan ng PSC.

Layunin ng programa na itaguyod ang mga tradisyunal na laro ng komunidad ng IP sa pakikipag-ugnayan sa National Commission on Indigenous Peoples (NCIP) at Department of Education (DepEd).