8 DPWH officials ng Davao Occidental sumuko sa NBI

BOLUNTARYONG sumuko sa National Bureau of Investigation (NBI) ang walong opisyal ng Department of Public Works and Highways (DPWH) na umano’y sangkot sa ghost infrastructure project na nagkakahalaga ng P96.5 milyon sa Davao Occidental.

Kinumpirma ito ng NBI matapos ang pagsuko ng kontratistang si Sarah Discaya habang hinihintay pa ang paglabas ng warrant of arrest nito.

Ang mga sumuko ay kinabibilangan nina Rodrigo C. Larete, District Engineer; Michael P. Awa, Assistant District Engineer; Joel M. Lumogdang,OIC-Chief, Construction Section; Harold John E. Villaver, Project Engineer; Rafael C. Faunillan, Chief, Quality Assurance Section; Josephine C. Valdez, Chief, Planning and Design Section; Ranulfo A. Flores, Chief, Maintenance Section; at Czar Ryan S. Ubungen, Chief, Finance Section.

Matatandaang nagsampa ang Office of the Ombudsman ng mga kasong graft at malversation charges laban kay Discaya, ang may-ari ng St. Timothy Construction; at ang nasabing walong opisyal ng DPWH.