27 Chinese vessels namonitor sa West PH Sea ng AFP
Advertisers
AABOT sa 27 Chinese vessels ang namonitor ng Armed Forces of the Philippines (AFP) sa 4 na maritime features sa West Philippine Sea sa nakalipas na linggo, October 6 hanggang 12.
Sa Bajo de Masinloc namataan ang 8 Chinese Coast Guard Vessels (CCGVs) at 4 na People’s Liberation Army Navy (PLAN) ships habang sa Ayungin Shoal naman ay namataan ang 5 CCGVs at 4 na PLAN vessels ng China.
Samantala, 3 CCGVs at 2 PLA Navy ships ang namataan sa Pag-asa Islands at isang PLA Navy ship ang namataan naman sa Escoda Shoal.
Patuloy naman ang pagtitiyak ng AFP sa pagbabantay sa teritoryo at soberanya ng bansa alinsunod sa umiiral na international law at layuning mapanatili ang kapayapaan at katatagan sa rehiyon.