Barko lumubog sa Indian Ocean: 5 Pinoy crew missing

TINIYAK ni Foreign Affairs Spokesperson Maria Teresita Daza na nakatutok ang Department of Foreign Affairs (DFA) sa paghahanap sa limang nawawalang Filipino seafarers na crew ng lumubog na barko sa Indian Ocean.

Ang Chinese fishing vessel na Lu Peng Yuan Yu 028 ay may sakay din na 17 Chinese at 17 Indonesian crews.

Sa ngayon, isang multinational search and rescue operation ang isinasagawa para matunton ang nawawalang seafarers.

Pag-aari ang naturang barko ng Penglai Jinglu Fishery Co., isa sa malaking state-run fishing companies sa China.(Jocelyn Domenden)