CENTINO OUT, BRAWNER IN!

INANUNSIYO ng Malacañang na si Lieutenant General Romeo Brawner na ang susunod na Chief of Staff ng Armed Forces of the Philippines (AFP).

Ayon kay Presidential Communications Office (PCO) Sec. Cheloy Garafil, papalitan ni Brawner si General Andres Centino na una nang nire-appoint ni Pang. Ferdinand Marcos Jr. sa kaparehong posisyon kamakailan.

Nabatid sa PCO chief na si Centino ay itatalaga naman bilang Presidential Adviser on the West Philippine Sea.

Sa kasaukuyan, si LtGen Brawner ay nagsisilbi bilang Commanding General ng Philippine Army na hawak niya mula noong December 10, 2021.

Si Brawner ay no.2 sa Philippine Military Academy “Makatao” Class of 1989 at humawak na ng iba’t ibang posisyon sa militar.

Siya ay naging Company Commander ng 6th Special Forces Company; Battalion Commander ng 2nd Special Forces Battalion; Operations Officer ng Special Forces Regiment (Airborne); Chief of Staff ng 6th Infantry “Kampilan” Division; Chief, Public Affairs ng Philippine Army; Spokesperson ng Armed Forces of the Philippines; Commander ng Civil-Military Operations Regiment; at, Brigade Commander ng 103rd Infantry Brigade sa Marawi Siege noong 2017. (Gilbert Perdez)