Pinoy bitay sa Saudi – DMW

KINUMPIRMA ng Department of Migrant Workers (DMW) ang kaso ng Pinoy na hinatulan ng kamatayan sa Saudi Arabia.

Ayon kay DMW Undersecretary Hans Cacdac, humihingi ng “blood money” ang pamilya ng biktima na nagkakahalaga ng 30 million Saudi riyals.

“Yes, we’re aware of this case. We’re talking, coordinating with DFA on this matter and we are reaching out to the family also,” ani Cacdac.

Ayon sa datos ng Department of Foreign Affairs, 83 Pilipino ang nasa death row sa ibang bansa.

Samantala, ligtas na nakabalik sa Pilipinas ang apat na overseas Filipino worker (OFWs) na nabigyan ng pardon matapos ang mga taon ng pagkakakulong dahil sa mga utang sa Saudi Arabia, sabi ng DMW.

Ang DMW ay nagpaabot ng tulong pinansyal at reintegration sa mga migranteng manggagawa.

Sasailalim din sila sa psychosocial services at susuriin para sa kanilang mga kakayahan para sa posibleng muling pagtatrabaho sa ibang bansa o domestic.

Tutulungan ng gobyerno ang mga anak ng OFW sa kanilang edukasyon, ayon kay Cacdac.

Samantala, pinaalalahanan ng DMW ang mga OFW na maging maingat sa kanilang mga pagkakautang.