7 pulis wanted sa 2 counts murder sumuko

SUMUKO sa Philippine National Police–Integrity Monitoring and Enforcement Group (PNP—IMEG) ang pitong pulis na wanted sa kasong murder.

Kinilala ni Major Geneneral Warren F. De Leon, direktor ng PNP-IMEG, ang mga sumuko pu na sina CMC Joseph S. Chumawar Jr., CMS Israel Culangan Lucob, Justin Dumaguing Anogue, CPT Guilbert Asuncion, CPT Orlando A Rosales, MSgt Dante T. Baloran, at SSG Quill Carame Bay-an (AWOL) na pawang nakatalaga sa PNP Special Action Force (PNP-SAF).

Ayon kay de Leon, may Warrant of Arrest (2 counts murder) ang nasabing mga pulis mula sa sala ni Judge Clarisa M Dao ng Regional Trial Court, Branch 174, San Mateo, Rizal.

Ang nasabing warrant of arrest ay kaugnay ng engkwentro sa pagitan ng Rapid Deployment Battalion SAF kungsaan nakatalaga ang nabanggit na mga pulis, at miyembro ng New People Army (NPA) sa Sitio Lagyo, Brgy. Puray, Rodriguez, Rizal noong 2010 na nagresulta ng pagkasawi sa diumano’y 2 miyembro ng CTG. (Mark Obleada)