Driver nakaidlip habang nagmamaneho, bumangga sa 2 SUV

NAHAGIP ng CCTV ang pagbangga ng isang MPV sa dalawang SUVs nang maidlip ang driver ng una sa Bantay, Ilocos Sur.

Sa ulat, makikita ang MVP na tumatakbo sa national highway sa bahagi ng Barangay Aggay nang bigla itong lumihis ng takbo.

Napunta ang MVP sa kabilang linya ng kalsada kungsaan nabangga niya ang nakasalubong na dalawang SUV.

Mapalad naman ang mga rider na nakaiwas sa nangyaring salpukan, at walang seryosong nasaktan sa insidente.

Ayon kay Major Pol Areola, Officer in charge ng Bantay Police Station, ipinaliwanag ng driver ng MPV na napagod siya sa pagmamaneho at nakaidlip hanggang sa lumihis na siya ng takbo at magising nang bumangga.