Tulak timbog sa Valenzuela

Arestado ang isang tulak ng ipinagbabawal na gamot makaraang kumasa sa isinagawang buy- bust operation ng pulisya sa Valenzuela City.

Kinilala ni.Valenzuela police chief PCol.Nixon Cayaban.ang suspek na si alias ” Boss’ (HVI/pusher), 45, ng Barangay Parada ng lungsod na nahaharap sa kasong paglabag sa Section 5 at Section 11 sa ilalim ng Article II of RA 9165.

Sa ulat na ipinarating kay Northern Police District Director PBGen Josefino Ligan, pinamunuan ni PCapt. Joan Dorado, OIC- SDEU, ang buy – bust at nakumpiska ang 70grams ng Shabu na may standard drug price na P476,000.00, ala- 1:30 ng madaling- araw ng Miyerkoles, May 7, 2025 sa M. Delos Reyes Footbridge Bridge, E. Francisco St., Brgy. Parada, Valenzuela City.

Sasailalim sa inquest proceedings ang suspek sa Valenzuela City Prosecutor’s Office.(Beth Samson)