SALA ANG SENADO
Advertisers
Walang balak pagsabungin ang dalawang kapulungan ng kongreso na sa tradisyon ang tawag sa senado’y bugok este mataas na kapulungan, habang ang kabilang bahay ay malawak na kapulungan. Sa bilang ng mga kinatawan, masilip ang liit ng bilang ng mga senador subalit masasabing tahanan ng mga matatalino, kagalang galang at may kagalingan sa paglikha ng mga panukalang batas na gamit sa kabutihan ng bansa. Maliit ang bilang ng mga nasa sa senado ngunit hindi maitutulak sa ano mang talastasan dahil sa kaalaman sa batas. Karaniwan ang senador na nasa daliri ng kamay ang bawat titik ng saligan batas na ‘di matatawaran ang galing sa paglalahad ng layon ng batas na nakasulat. Sa nakaraan sino ang tatapat sa galing ng isang Jovito Salonga, o Jose W. Diokno. At ang mga sumunod na mga senador na sina Ceiling Fernan at Miriam D. Santiago. Mahihiyang umakyat sa nasabing kapulungan kung ang mga kasabayan ang mga matitikas at may prinsipyong mga mambabatas tulad ng banggit sa itaas.
Subalit, natuldukan ang kagalingan ang nakaraang senado ng dumami ang mga artistang pumalaot sa pulitika at nahalal na senador. Sangkalan ang kasikatan, Nahalal ngunit ‘di nakitaan ng husay o galing ang mga artistang nag senador sa paggawa ng mga panukalang batas sa halip ipinakita na ang galing sa pag-arte’y hanggang sa harap ng kamera. Dumami ang nasa “silent minority” sa senado hanggang dumating ang mga walang binatbat na mga taartits na sabit sa mga pang-aabuso sa salapi ng bayan. Ang masakit, dumagdag ang walang bait sa sarili na senador na ang gawa’y kumain sa pagdinig, magsuklay ng bigote at ang mag move na ‘di mabangit ang kasunod na sasabihin.
Ang paglisan ng dekalidad na mga senador higit sa panahon na kailangan ang mga mambabatas na masasandigan ng bayan sa panahon na may pagmamalabis. Sadyang walang palad ang bayan sa uri ng mga lider na mayroon sa kasalukuyang na ‘di magawang tumayo sa mabuti at itakwil ang salang gawa ng iilan. Ang pagtayo sa tama’t matuwid ang ibig makita sa mga kasalukuyang lider at hindi ang magwalang kibo sa salang gawa. Hindi ibig na makita ang pagsasamantala ng iilan ipinagwawalang bahala dahil sa pakikisama o pagkakaibigan. Hindi inaalis ang pagkakaibigan o pakisama ngunit ang pagmamalabis sa pwestong tangan higit ang paglustay sa salaping bayan na laan sa serbisyo’y tinutustos o ginagastos para sa kapritso ng katawan ay hindi tanggap.
Sa pagtanaw, tila bumaliktad ang kaayusan ng mga kapulungan at napunta sa malawak na kapulungan ang mga kinatawang may galing at sa bayan ang tindig. Silip ang pagiging magalang ngunit nagpakita ng dedikasyon sa sinumpaang tungkulin na gagawin ang tama para sa kagalingan ng bayan. Ang mabuting pag-uusisa o gawa ang nasilayan sa ilang pagdinig na ginawa ng mailabas ang salang gawa ng opisyal ng pamahalaan. Sa pag-uusisa naipalabas ang paglabis na pagtustos ng abalang pangulo sa mga gawa na ‘di mandato ng tanggapan na pinamunuan. Ang salang gawa’y lumabas ng ‘di layon na pulaan ang naisalang sa pagdinig. Kusang nabatid ang labis na paggamit ng salaping bayan ng abalang pangulo na nagbunsod na higit na palalimin ang pag-uusisa.
Sa nasilayang pagmamalabis, tumindig ang malawak na kapulungan na kailangan mapanagot ang may sala at ang mapasipa sa pwestong tangan ang kailangan. Ang pagtayo ng mga kinatawan sa malawak na kapulungan ang tamang tindig. At naghain ng reklamo sa bugok na kapulungan. Ang tindig na bangit ang ‘di inayunan ng kasalukuyang lider ng bansa. Ang tindig ni Jun Singhot na ‘di ayon sa pagpapasipa sa kaibigan na katambal sa lumipas na halalan ang salang pahayag na nilakipan ng Keso ng bugok na kapulungan ng kilos na pagpako sa isinalang na pagpapasipa sa abalang pangulo. Ang banggit na pagpapasipa’y ‘di personal sa mga kinatawang bayan ng malawak na kapulugan sa halip ito’y bunga sa pagdinig na nabatid ang labis na paglustay sa salaping bayan sa mga tanggapan tinanganan ni Inday Siba. Nakakalungkot ang pahayag at kilos ng mga opisyal ng pamahalaan o’ baka may kaparang gawa ang mga banggit na opisyal na ‘di ibig mahungkat sa harap ng bayan.
Sa totoo lang, usaping bayan ang nasa harap ng senado na tila inaari ni Keso sa pagtsubibo ng ‘di matalakay ng bugok na kapulungan. Sa pagpapa-ikot sa mga dahilang nasa isip ni Keso walang pagkilos na naganap at lumaon na tila ‘di madidinig sa mga nalalabing panahon ng magtatapos na 19th Kongreso. Sa pag-usal ng mga labis sa trabaho ng bugok na kapulungan, malinaw ang tahakin ng pagpapaliban, ang layon sa ’28. Walang halaga sa lider ng senado ang kagalingan ng bayan, ang masiguro ang takbo sa ’28 ang alalahanin na pupunuan ng mga bobotanteng bulag ng mangmang ng kaTimugan. At ‘di pa banggit ang halagang ililipat o nailipat sa ngalan ng puso ng minamahal.
Ang mapasagot sa hinainang pagpapasipa sa abalang pangulo’y dapat dingin ng mabatid ng bayan ang katotohanan sa likod ng mga pag-uusisang naganap. Sa pagpapa-ikot ng usaping nasa harap tila nakalimot ang bugok na kapulungan na mahalaga kay Mang Juan ang usapin higit usapin ng salapi ng bayan ang nakasalang. At sa totoo lang, tila nagbingi bingihan si Keso sa banggit ni Inday Siba na handang harapin ang pagpapasipa dumanak man ng dugo. At pahayag na ‘di pinakinggan ng mga senador na tila nagsasaad ng pahayag na ipapawalang sala ang abalang pangulo. Ang ‘di madinig ang mga tindig sa pagpapasipa higit ang nasasakdal, hindi mawawala sa isip ng Pinoy na may sala ang inaakusahan at isinalang sa bugok na kapulungan ang kapalaran kuno.
Malawak ang karanasan ng bayan sa pagpapasipa at malinaw na sala ang senado sa ‘di magagawang pagdinig. May ilang mungkahi na tularan ang ilang karanasan sa ibang kongreso sa ibang bansa at ituloy ang pagdinig ng bagong senado. Ang mabatid ang katotohanan ang asam at karagdagan ang masipa o mapanatili sa pwesto ang nakasalang. Ang salang gawa’y masasabing panandalian paghinga ngunit malinaw na may balik sa hinaharap. Sa totoo lang, malaki ang pasanin ni Keso sa salang ‘di ginawa ang tungkulin na inatang ng saligang batas. Ang pag-iwas sa pagdinig na gagawin na mahalaga sa bayan ang pagpapabaya sa tungkulin na sisingilin sa darating na panahon. Sa salang ‘di paggalaw sa usaping bayan, umasa na ligwak ang balik sa kinabukasan sa lider na pinagwalang bahala ang ibig ng mga Pinoy. Ang 88% Pinoy na nagbabantay sa magaganap na pagpapasipa sa abalang pangulo ang tinalikuran ng pasya ni Keso. Ang kawalang respeto sa proseso ng saligang batas ang tuldok sa kinabukasan ng ambisyosong manunulsol .
Maraming Salamat po!!!!