4 sugatan sa sunog sa Caloocan

Sugatan ang apat katao nang sumiklab ang sunog sa Libis Baesa Brgy. 160, Caloocan City nitong Lunes ng madaling araw.

Ayon sa Caloocan BFP, gawa sa light materials ang mga bahay kaya madali itong nilamon ng apoy.

Nasa 20 na bahay naman ang naapektuhan ng sunog at tinatayang 40 na pamilya ang apektado rito.

Ayon sa BFP, walang naitalang nasawi sa nasabing sunog.

Sa ngayon, pansamantalang nanunuluyan sa chapel ng barangay ang mga naapektuhang pamilya.

(Beth Samson)