Higit 20 kabataan sumailalim sa orientation at contract signing ng SPES

Mahigit 20 kabataan na binubuo ng mga mag-aaral at Out of School Youth (OSY) ang sumailalim sa orientation at contract signing ng Special Program for Employment of Students (SPES).

Ipinahayag ni Caloocan Mayor Along Malapitan na papasok ang mga naturang kabataan sa katuwang na kumpanya ng Lungsod ng Caloocan na Jollibee Foods Corporation (JFC).

“Layunin po nating bigyan ng karagdagang kaalaman, karanasan, at kita ang mga kabataan na kanilang mapapakinabangan sa pag-aaral at paghahanap ng trabaho. Ngayong 2025, mahigit 1,100 na kabataan ang naging benepisyaryo ng programang ito,” wika ni Mayor Malapitan.

“Maraming salamat sa Public Employment Service Department (PESD) at sa Department of Labor and Employment (DOLE) sa patuloy na pagbubukas ng mga oportunidad para sa mga Batang Kankaloo,” pahayag ni Along. (BR)