BAGONG OPISYAL NG MCHPC, INIHALAL

Muling naitalaga bilang Pangulo ng Manila City Hall Press Club o MCHPC ang inyong lingkod , Jocelyn T.Domenden — isang reporter ng Police Files Tonite sa isinagawang eleksyon para sa bagong mga opisyales ng nasabing pinakamatandang organisasyon sa bansa .

Sa naganap na eleksyon, naihalal din ang nagbabalik na opisyal at dating Pangulo ng nasabing organisasyon na si JR Reyes, reporter at kolumnista sa pahayagang REMATE at Remate Online, ay nailuklok bilang Bise-Presidente.

Nanatili naman sa kani-kanilang pwesto sina Gene Adsuara ng People’s Balita bilang Kalihim at Emmanuel Mortega II ng DZXL bilang Ingat Yaman habang nanalo naman bilang Auditor si Archie Amado ng Radyo Aguila.

Nakuha naman ng beteranong reporter at kolumnista ng People’s Tonight at People’s Journal na si Edd Reyes ang pinakamataas na bilang para sa Director katuwang ang kilalang Anchor broadcaster at reporter ng Radyo Pilipinas na si Lorenz Tanjoco.

Sumunod na nakakuha ng may pinakamataas na bilang ay sina radio reporter Felix Laban ng DZME at ang kinikilalang reporter saan man sulok ng bansa na si Patrol 24 Jun Samson ng DWIZ.

Napabilang din sa mga Director sina Pot Chavez ng Manila Standard, DZBB reporter Manny Vargas, Bombo Radyo reporter na si Grant Hilario at DZMM radio reporter/anchor na si Steve Raz at DK Zarate ng Radyo Pilipinas.

Nagsilbi naman bilang Comelec o tagapangasiwa ng eleksyon ang mga kinatawan ng National Press Club of the Philippines (NPC) na sina Director Dennis Napule at Director Jun Mendoza.

Ang naturang kaganapan ay sinaksihan naman ng mga beteranong reporter at kasalukuyang Adviser ng MCHPC na sina NPC Director at Radio reporter Aya Yupangco; DWAD anchor Archbishop Jemba Basco at Boy Gonzales ng DZRH.

Naroon din ang presensya at nakibahagi sa halalan si DWWW reporter at NPC Dir. Gina Mape .

Ang MCHPC ay isa sa pinakamatandang samahan ng mga mamamahayag sa bansa na itinatag noon pang 1950’s. Ang nasabing samahan ay binubuo ng mga lehitimong reporter mula sa radyo, dyaryo, online, at telebisyon na nagkokober sa lahat ng kaganapan na nangyayari sa Manila City Hall. (Jocelyn Domenden)