PSC ipinagkaloob ang cash incentives sa ASEAN Para Games medalists

IPINAGKALOOB ng Philippine Sports Commission (PSC) ang mga gantimpalang salapi sa mga medalist na kalahok sa 2026 ASEAN Para Games Martes sa Rizal Memorial Coliseum.

Ang mga insentibo na umaabot sa higit sa PHP11 milyon ay nasa ilalim ng Republic Act 10699, na nagbibigay ng PHP150,000 para sa ginto, PHP75,000 para sa pilak, at PHP30,000 para sa bronze medal.

Sumali si Senador Christopher “Bong” Go, chairman ng committee on youth and sports, kina PSC Chairperson John Patrick Gregorio at mga Komisyoner na sina Olivia “Bong” Coo, Matthew “Fritz” Gaston, Walter Torres at Edward Hayco, at ang pangulo ng Philippine Paralympic Committee (PPC) na si Michael Barredo sa pamimigay ng parangal.

“Despite the times of the energy crisis and all, today is the day that we celebrate the honor and glory of all athletes, and the pride that you gave to all Filipinos. This is the first time after so many years that we placed fourth after years of fifth and sixth place finishes,” Wika ni Barredo sa speech.

Samantala, binanggit ni Go na ang batas para sa pantay na insentibo sa mga para-atleta at mga atletang may kakayahang pisikal ay nananatiling nakabinbin.

Sa kasalukuyan, ang mga para-atleta ay nakakakuha lamang ng kalahati ng insentibo kumpara sa kanilang mga katapat sa Southeast Asian Games – PHP150,000 kumpara sa PHP300,000 (ginto), PHP75,000 kumpara sa PHP150,000 (pilak) at PHP30,000 kumpara sa PHP60,000 (tanso).