USA winalis ang Dominican Republic sa VNL

ANG binagong koponan ng USA ang nagpakita ng mahusay na laro para simulan ang Pasig City leg ng Volleyball Nations League, tinalo ang Dominican Republic, 25-20, 25-19, 25-12, Miyerkules sa PhilSports Arena.

Sa pamumuno nina skipper at setter Jordyn Poulter sa daloy ng laro, mahusay na nakapag-convert ang mga Amerikano at naitala ang 43-31 na kalamangan sa puntos ng atake sa unang laban ng VNL Week 2 na ipinakita ng Philippine Sports Commission.

Si Jordan Thompson, na nanatili mula sa Week 1 roster ng USA, ay nakakuha ng 13 sa mga attack points na iyon, habang nakapuntos din ng dalawang ace.

Habang pinapakita ng mga Amerikano ang kanilang lakas — minsang umabot sa higit 91 kilometro kada oras mula sa service line — madalas naiwan ang mga Dominican na nagmamadaling ayusin ang kanilang opensa.

Logan Eggleston, umiskor ng 10 points, habang si Dana Rettke nagdagdag ng five points at five blocks para sa USA nag improved sa 4-1 win-loss record.

Nagkaroon ng walong puntos sa pitong atake ang beteranong outside hitter Yokaira Paola Pena Ysabel para pamunuan ang Dominican Republic, habang nakakuha naman ng lima ang batang opposite na si Alondra Denis Tapia Cruz, lahat sa pamamagitan ng atake.

Naranasan ng mga Dominican ang kanilang ikalimang pagkatalo sa kasing dami ng laban.