FLIGHTS NG CEBU PACIFIC NAANTALA DAHIL SA ‘HABAGAT’ — CAAP

INANUNSYO ng Civil Aviation Authority of the Philippines (CAAP) na maraming flights ang naantala dahil sa malakas na ulan na dala ng habagat noong Lunes, Agosto 10, 2026

Ang datos na ibinahagi ng CAAP sa mga mamahayag ay nagpakita na ang mga sumusunod na flight ay inilihis mula sa kanilang mga orihinal na destinasyon noong ika-7 ng umaga noong Agosto 10: mula sa Cebu Pacific

CEB575 – Da Nang, Vietnam patungong Maynila, Pilipinas: Inilihis patungong Mactan, Cebu

Samantala, ang mga sumusunod ay nakalista bilang mga “go-around” na flight, o mga flight na nahinto ang kanilang mga pagtatangka sa paglapag:

CEB380 – Laguindingan patungong Maynila
CEB363 – Macau patungong Maynila

Philippine Airlines
GAP2824 – Davao patungong Maynila

Nauna nang hinulaan ng Philippine Atmospheric, Geophysical and Astronomical Services Administration (Pagasa) na ang southwest monsoon ay patuloy na mananaig sa halos buong Luzon at ilang bahagi ng Visayas sa Lunes, Agosto 10.

Nagbabala ang Pagasa na ang Benguet ay makakaranas ng mahigit 200 milimetro (mm) ng ulan; habang ang Zambales, Bataan at Occidental Mindoro ay makakaranas ng 100 hanggang 200 mm ng ulan.

Samantala, 50 hanggang 100 mm ng pag-ulan ang tinatayang sa Metro Manila, Ilocos Norte, Ilocos Sur, La Union, Abra, Pangasinan, Kalinga, Mountain Province, Ifugao, Nueva Vizcaya, Tarlac, Nueva Ecija, Pampanga, Bulacan, Rizal, Cavite, Batangas, Laguna at Oriental Mindoro. (JOJO SADIWA)