VM Respicio ‘di adik, may sayad lang – DILG Chief

IRE-REFUND ni Interior Secretary Jonvic Remulla ang gastos sa drug test ni Reina Mercedes, Isabela Vice Ma-yor Harold Respicio.
“Kukunin ko sa [Department of the Interior and Local Government] namin ’yung number niya tapos i-GCash ko sa kanya,” ani Remulla sa isang ambush interview.
Nauna nang nag-upload si Respicio ng QR code para sa P28,011 na bayad sa kanyang GCash account.
“Jonvic, ito QR code. Pa-GCash P28,011. Reimbursement for drug test,” post ni Respicio.
Noong Miyerkoles, itinulak ni Remulla ang pagsailalim ni Respicio sa drug test kasunod ng pagkakasangkot nito sa mainit na sagutan sa mga opisyal ng barangay tungkol sa hindi natapos na proyekto para sa tobacco farmers.
Tumugon naman dito si Respicio at sumailalim sa drug test sa isang ospital sa Quezon City, kungsaan nagnega-tibo siya sa methamphetamine, tetrahydrocannabinol (THC), cocaine, ecstasy, benzodiazepines, opiates, propoxyphene, at tricyclic antidepressants.
“Congratulations. Now that it’s confirmed that he’s not on shabu, totoo na talaga na na-tural ang sayad ng utak niya,” sagot naman ni Remulla.