LEVISTE ‘FUGITIVE FROM JUSTICE’ – NBI

SINABI ni National Bureau of Investigation (NBI) Director, Atty. Melvin Ma-tibag, na gagamitin ng mga awtoridad ang lahat ng legal na paraan upang mahanap si Batangas Representative Leandro Leviste, na itinutu-ring nilang “fugitive from justice” dahil sa inilabas na arrest warrant laban sa kanya.
Ipinaliwanag ni Matibag na malinaw sa arrest warrant na kailangang dalhin si Leviste sa korte upang humarap sa paglilitis.
“Right now, he’s considered a fugitive from justice. Merong arrest warrant at kailangan. Sabi du’n sa arrest warrant that you have to bring him to court, forthwith, immediately,” saad ni Matibag.
“Dalawang bagay lang ‘yan, he voluntarily submit himself to court or maaresto siya at dadalhin siya ng law enforcement sa korte,” dagdag ng NBI chief.
Samantala, batay aniya sa pinakahuling impormasyon ng NBI, nasa bansang France o Germany si Leviste.
Mayroon din umanong bahay ang kongresista sa Germany na kasalukuyang ipinapa-renovate.
Gayunman, sinabi ng NBI chief na wala pa silang kumpirmadong impormasyon mula sa Bureau of Immigration kung nasaan mismo si Leviste sa ngayon.