Derek Dee, Number 1 Supporter ng Anak na si Michelle sa MGI All Stars 2026

Ni Mercy Lejarde

The queen is back. Muling sasabak sa international pageant scene ang beauty queen at aktres na si Michelle Marquez Dee bilang kinatawan ng Pilipinas sa Miss Grand International All Stars 2026.

Inanunsyo ang kanyang pagsali sa premiere ng bagong pelikula niyang Red Crown.

Matatandaang kinoronahang Miss Universe Philippines 2023 si Michelle at kinatawan niya ang Pilipinas sa Miss Universe pageant sa El Salvador noong taon ding iyon.

Samantala, nagpahayag ng suporta ang aktor na si Derek Dee sa anak sa pamamagitan ng isang social media post.

“So proud of you, Michelle. As you step onto the Miss Grand stage, remember that true beauty comes from within, and a crown is only one measure of greatness. Shine bright, stay true to yourself.

“Always your biggest supporter. Love you, my daughter. Dad,” mensahe ni Derek.

Sa comment section ng post ni Derek, nagpahayag din ng suporta ang mother dearest ni Michelle na si Miss International 1979 Melanie Marquez.

“I am your number 1 Fan & Supporter!

“I’M SUPER PROUD OF YOU,” sey ni Melanie.

Isang malaking congratulations kay Queen Michelle Marquez Dee.

Gaganapin ang grand finals ng ikalawang edisyon ng Miss Grand International All Stars sa Disyembre 12, 2026.