‘Baka 2022 pa manunumbalik ang sigla ng ekonomiya’

NANINIWALA ang mga grupo ng mga employer na posibleng sa 2022 pa tuluyang makabuwelo ang ekonomiya ng bansa.
Ayon kay Employers Confederation of the Philippines (ECOP) President Sergio Ortiz – Luis, hindi puwedeng madaliin ang proseso ng panunumbalik ng mga negosyo, lalo’t hindi pa nasisimulan ang vaccination program.
Giit ni Ortiz – Luis, mahalagang unahin ang problema sa public transport system at border policy.
Maliban kasi sa COVID-19, problema rin ang African Swine Fever (ASF) at iba pang problema sa mga ibinabyaheng agriculture products.
Hindi naman naniniwala ang grupo na maaaring i-convert ang karamihang trabaho sa work from home setup.
Dagdag pa sa nagiging problema ang napakabagal na internet service, para sa mga kinakailangang transaksyon. (Josephine Patricio)