Pagtapon sa salvage victim hagip ng CCTV sa Caloocan City

NAHULI-CAM ang pag-iwan sa kalsada ng bangkay ng isang lalaki na balot ng packaging tape ang duguang mukha at nakatali ang mga paa sa Caloocan City.
Kinilala ang bangkay sa alyas “Nak” sa Francisco St., Barangay 75, Caloocan City.
Sa CCTV ng Barangay 75 makikita na may isang puting Innova ang huminto sa Francisco Street 11:00 ng hapon ng Biyernes. Bumaba ang dalawang lalaking mga nakaitim na jacket, at may tumigil din na puting kotse at motor na nakasunod sa multi-purpose vehicle (MPV).
Pagkaraan nito, binuksan na ng dalawang lalaki ang trunk ng MPV habang nagsilbing lookout ang isa pang lalaki.
Ilang saglit ang lumipas, umalis na ang sasakyan at iniwan ang isang lalaki na naka-handusay sa kalsada.
Umalis na rin ang nakasu-nod na kotse at motorsiklo.
Natagpuan ang mga basyo ng bala sa lugar, at nakatali ang paa ng bangkay. May nakapatong na karton sa dibdib ng lalaki na nakasulat “Tulak ako! Wag tularan. Susunod na kayo!!!”
Nang alisin ng mga awtoridad ang packaging tape sa lalaki, bumungad ang duguan ni-yang mukha.
Ayon kay Bgy. Chairman Augosto Nadal ng Brgy. 75, anim na buwan nang naninirahan ang lalaki na kilala bilang si “Nap.”
“Pero pinababantayan ko na ‘yan dahil alam kong nagbebenta ng droga… Nakita rin sa CCTV na ‘yun nga, nag-aabutan. Talagang positive na nagbebenta,” sabi ni Nadal.
Sinabi pa ni Nadal na dati nang nakulong ang biktima pero walang linaw kung may kinalaman ito sa kasong droga.