Tsekwa huli sa shabu sa kahon ng face mask sa Mandaluyong

TIMBOG ang isang Chinese national sa anti-drug operation sa Mandaluyong City, Huwebes ng hapon.

Target ng buy-bust ng Philippine Drug Enforcement Agency (PDEA) special enforcement service at PDEA Region 3 ang 30-anyos na Chinese national na si Khzou Xu, nakatira sa #69 Coronado st., Bgy. Hulo, mandaluyong City.

Sa report, nakuha kay Xu ang 3 sachet ng shabu na nakasilid sa kahong lalagyan ng face mask na tumitimbang ng 100 gramo at may street value na P680,000.

Ayon sa PDEA, 3 taon nang nakatira sa Pilipinas si Xu at nagtrabaho sa Philippine offshore gaming operations pero natanggal ito.

Inaalam ng PDEA ang pinagkunan ni Xu ng supply ng droga. (Edwin Moreno)