KAPITAN NIRATRAT SA LOOB NG BGY. HALL!

PATAY ang isang barangay kapitan nangpagbabarilin ng ‘di nakilalang mga salarin sa Barangay Pandag Pobacion, Maguindanao nitong Sabado.

Kinilala ang biktima na si Guimaludin Mamalinta na nagtamo ng maraming tama ng bala sa iba’t ibang parte ng kanyang katawan.

Sa ulat, nasa loob ng barangay hall ang biktima nang dumating ang mga salarin at walang kaabog-abog na pinagbabaril ang kapitan.

Tumakas ang mga salarin sakay ng service vehicle, samantalang iniwan ang biktima na nakabulagta at naliligo sa sariling dugo.

Tuloy ang ginagawang imbestigasyon ng mga otoridad sa insidente.