Pag-inom ng lagundi, tawa-tawa nakitaan ng magandang resulta sa clinical trials vs COVID-19

INANUNSYO ng Department of Science and Technology (DOST) na nakikita sa ngayon bilang posibleng adjunct treatment ang lagundi at tawa-tawa.

Ayon kay DOST Undersecretary Rowena Guevarra, tapos na ang clinical trial na isinagawa sa lagundi, at base sa initial conclusion ng team ng mga eksperto ay nakitang maaring mabawasan ang sintomas ng mild COVID-19 cases.

Maging ang trial sa tawa-tawa ay nagkitaan din ng magandang resulta sa mga respondents na mayroong mild hanggang sa moderate cases.

Nilinaw naman ni Guevarra na ibinigay lamang bilang food supplement ang tawa-tawa bilang ito ay herbal supplement lamang habang herbal medicine naman ang lagundi.

Kabilang sa mga sintomas na nawala nang uminom ng tawa-tawa ay ang pagkakaroon ng lagnat, chills, pananakit ng katawan at ubo.