253 bagong Covid-19 cases sa Maynila

SA gitna ng preparasyon para sa pista ng Itim na Nazareno at Santo Niño De Tondo, nakapagtala ng karagdagang 253 COVID-19 cases sa Maynila nitong Lunes lamang.

Kinumpirma ni Manila Mayor Isko Moreno na sumampa narin sa kabuuang 766 ang aktibong kaso ng COVID-19 sa lungsod.

Pinakamarami, aniya, o 368 sa mga nagkasakit ay mula sa Tondo na pinaka-mataong lugar sa Maynila.

Ayon kay Moreno, umaabot na sa 41% ang occupancy rate sa 6 pampublikong ospital sa Lungsod, habang 93% sa Manila COVID-19 hospital.

Dahil dito, muling hinimok ng Alkalde ang mga Manileño na magpabakuna dahil mas malaki ang tsansa na tamaan ng sakit ang mga unvaccinated, lalo ang mga may commorbidities. (Jocelyn Domenden)