Bebot buking sa ATM modus

NATIMBOG ang isang babaeng miyembro ng tinaguriang ‘glue gang’ na sumasabotahe sa mga automated teller machine (ATM) sa isang operasyon sa San Antonio, Quezon noong Martes.

Kinilala ang dinakip na si Lunalyn Griño De Pedro, 38 anyos, tubong Iloilo City, at kasalukuyang nakatira sa Barangay San Jose, Lipa City.

Batay sa report ng San Antonio Police, naaresto si de Pedro nang maaktuhang nilalagyan ng pandikit ang zero at cancel button ng isang ATM ng Landbank sa naturang bayan.