DAR acting chief sinibak sa puwesto

ISANG linggo bago matapos ang termino ni Pangulong Rodrigo Duterte, sinibak sa puwesto ng Palasyo ang Department of Agrarian Reform (DAR) chief na si acting DAR Secretary Bernie Cruz.

Nabatid sa isang memorandum na may petsang June 20, 2022 itinalaga ng Palasyo si DAR Undersecretary David Erro bilang Officer-in-Charge ng ahensya hanggang June 30.

Nauna rito si Cruz ay itinalaga bilang acting DAR Secretary noong November 2021 makaraang magbitiw si Secretary John Castriciones sa kanyang puwesto makaraang tumakbo sa Senado.

Samantala kaugnay nito itinalaga naman ni President-elect Ferdinand Marcos Jr. si outgoing Abono party-list Rep. Conrado Estrella III para pamunuan ang DAR.

Si Cruz ay dating Undersecretary for Foreign Assisted and Special Projects Office (FASPO) bago naitalagang acting DAR Secretary.(Boy Celario)