SolGen Calida itinalaga ni Marcos sa COA; Veloso sa GSIS

INANUNSYO ni Incoming press secretary Trixie Cruz-Angeles na itinalaga ni President-elect Ferdinand ‘Bongbong’ Marcos Jr si outgoing solicitor general Jose Calida bilang susunod na Commission on Audit (COA) chief.

Nagsilbi si Calida bilang undersecretary ng Department of Justice (DOJ) sa ilalim ng administrasyon ni dating Pangulong Gloria Macapagal-Arroyo.

Naupo si Calida sa DOJ mula taong 2001 hanggang 2004 at naging Executive Director ng Dangerous Drugs Board noong 2004.

Gayundin ay itinalaga ni Marcos ang president at chief executive officer ng Philippine National Bank na si Jose Arnulfo Veloso bilang head ng Government Service Insurance System (GSIS).

Sa ngayon ay wala pang napipisil si Marcos na maging kalihim ng Department of Health (DOH), Department of Energy (DOE) at Department of Foreign Affairs (DFA). (Vanz Fernandez)