Sindak At Kilig, premiere night sa Aug. 13 sa FDCP’s Cinemateque

Ni NONIE V. NICASIO

MAY premiere night sa August 13 ang dalawang short films ni Direk James Merquise titled Love Ain’t Enough at The Photographer. Ito ay gaganapin sa Cinemateque ng FDCP.
Ang dalawang short films ay prodyus ng AAGS Movie Productions at kapwa tinatampukan ni Akihiro Blanco.
Ipinaliwanag ni Direk James kung bakit niya ito tinawag na Sindak At Kilig.
Aniya, “Bale two short films in one po siya, starring Akihiro Blanco in both short films, leading lady nya sa Love Ain’t Enough si Shaine Vasquez and si Krishna Francisco naman po sa The Photographer.
“Sindak at Kilig kasi love story yung Love Ain’t Enough and suspense/thriller and sexy naman po ang The Photographer.”
Dagdag pa niya, “Tampok din po sa movie si Jennessy Cordero sa The Photographer, ka-partner din ni Krishna. Bale love triangle sila rito ni Akihiro.
“Si Jennessy po ay isang host sa iba’t ibang Cosplay events and actor din po siya, nagkasama na kami before sa Sikreto sa Dilim movie ni Direk Mike Magat, kaming tatlo nina Akihiro at Jennessy.
“Kung gusto po ng mga barako na makapanood ng very hot and sexy suspense/thriller movie, then itong film namin is a must see for them.”
Since si Direk James ay isa ring actor, inusisa namin kung parte ba siya ng pelikula?
Tugon niya, “Kasali rin po ako sa isa sa short films, sa Love Ain’t Enough ay guest po ako pero sa medyo patapos na part na po ako lalabas sa movie.
“First movie ko po as assistant director po muna ko sa Psycho, which is ako rin ang nagsulat po ng script. Ito’y 2019 at under Gospel Media Production, naipalabas po namin ito sa UP Adarna Theatre na ang director po ay mentor ko, si Direk Rudy Fajardo na member siya ng KDPP. Then after that po, ako na ang main director ng mga sumunod na films ko po. Mga naka-12 films na po ako simula 2019 up to present, as a director.
“Iyong mga gusto manood po ng movies namin, they can message me naman po or any of my actors or actress or staff to buy tickets po sa premiere namin sa Cinemateque,” saad pa ni Direk James.
After ng premiere night, ipalalabas din ang Sindak at Kilig sa online cinema www.ticket2me.net sa August 21 – 27.