2 empleyado ng BASELCO niratrat: 1 patay, 1 kritikal

Patay ang isang katao at 1 ang kritikal nang pagbabarilin sa probinsya ng Basilan.

Kinilala ang nasawi na si Alvin Pangilinan, habang sugatan naman ang kasama nito na si Raymond Singson, na pawang mga empleyado ng Basilan Electric Cooperative (BASELCO)

Sa ulat, nangyari ang pamamaril 11:00 ng umaga nitong Martes sa Salain Drive, Barangay Sumagdang.

Nabatid sa inisyal na imbestigasyon, na nagsasagawa ang mga biktima ng clearing operations sa mga linya ng kuryente nang paputukan ng hindi pa nakikilalang armadong lalaki.

Inaalam pa sa ngayon ang motibo sa pamamaril.