‘Mas maraming NPA members na susuko asahan sa pagkamatay ni Joma’

KUMPIYANSA si Department of Social Welfare and Development (DSWD) Undersecretary Allan Tanjusay na mas marami pang rebelde ang susuko at magbabalik-loob matapos mamatay ang founder ng Communist Party of the Philippines-New Peoples Army (CPP-NPA) na si Jose Maria Sison.

Sinabi ito ni Tanjusay kasabay ng awarding of lifelihood settlements para sa mga rebeldeng nagbalik-loob at sumuko sa NCRPO sa Camp Bagong Diwa, Taguig.

Ayon kay Usec. Tanjusay, bago pa mamatay si CPP-NPA Joma Sison ay marami nang lumapit sa DSWD matapos tumiwalag sa mga rebelde.

Sa ngayon aabot na sa P200-milyon ang naipamahaging tulong sa mga rebeldeng nagbalik-loob at wala pa naman silang namo-monitor na nanloko sa programa sa panahon ng Marcos administration.

Samantala, pagod na sa maling gawain at tiwala sa gobyerno ang dahilan ng isang sumukong leader ng rebeldeng grupo.