PBBM nagtalaga ng presidential spokesperson

INIHAYAG ng Office of the Press Secretary (OPS) ang magsisilbing Presidential spokesperson sa ilalim ng Marcos administration.

Sa pulong balitaan, ipinakilala ni OPS office-in-charge Undersecretary Cheloy Garafil si Daphne Oseña Paez bilang susunod na tagapagsalita ng pangulo.

Si Paez ay anak ng dating piloto ni dating Pangulong Ferdinand Edralin Marcos Sr. na si Col. Delio Oseña.

Una nang naging maugong ang pangalan ni Paez sa pagka-presidential spokesperson bukod sa dalawa pang pangalan partikular nina Gilbert Remulla at Atty. Adel Tamano.

Si Daphne Oseña Paez ay dating show host sa isang TV station.

Nagsimula ang television career ni Paez bilang reporter noong 1990 at naging bahagi Ng English late-night newscast bilang siyang nagbibigay ng ulat sa lagay ng panahon. (Vanz Fernandez)