NAUJAN MAYOR TEVES, PINARANGALAN NG COA PARA SA AGARANG AKSYON

Pagdating sa pagsusumite ng mga rekord ng pananalapi, ginagawa ng lokal na pamahalaan ng Naujan ang mga tungkulin nito nang walang pagkaantala.

Ang Commission on Audit ay nagbigay ng parangal sa Municipal Accounting Office ng Naujan para sa mabilis nitong pagsusumite ng Municipal Financial Statements.

Tinanggap ni Naujan Mayor Henry Joel Teves, Municipal Accountant Carina Corro, at Municipal Administrator Arwin Gayutin, ang parangal sa ngalan ng lokal na pamahalaan.

Ito ay isa lamang sa mga indikasyon ng magandang pagganap ng mga Naujan sa iba’t ibang aspeto, ayon sa Facebook Post ng lokal na pamahalaan. (RONALD BULA)