PBBM NAGTALAGA PA NG 3 BAGONG OPISYAL

TATLO pang bagong opisyal ang itinalaga ni Pangulong Ferdinand “Bongbong” Marcos Jr. sa iba’t ibang ahensya ng gobyerno.

Ayon kay Presidential Communications Office Secretary Cheloy Velicaria-Garafil, si Romulo Victoria Arugay ay itinalaga bilang Chairperson ng commission on Filipinos Overseas na nasa ilalim ng Office of the President (OP).

Habang inilagay naman si Mario Imperial Molina bilang Acting Member ng Board of Trustees ng Government Service Insurance System (GSIS).

Kasabay nito, hinirang naman si Joan Masilang Padilla bilang Bagong Administrator ng Intramuros Administration, isang attached agency ng Department of Tourism (DOT).

Anumang araw ay manunumpa sa tungkulin ang mga nasabing opisyal. (Vanz Fernandez)