Celtics nasilat ang Raptors 106-104

KUMAMADA si Jaylen Brown ng 27 points at kumayod si Grant Williams ng career-high na 25 markers upang ihatid ang Boston Celtics sa 106-104 wagi laban sa Raptors.

Dumiretso ang NBA-leading na Boston (35-12) sa kanilang pang-siyam na sunod na arangkada bagama’t hindi naglaro si leading scorer Jayson Tatum (sore left wrist).

Nagdagdag si Malcolm Brogdon ng 23 points at tumapos si Al Horford na may 5 markers, 1 blocked shot at 1 steal sa huling 20 segundo ng final canto.

Nagkaroon si guard Marcus Smart ng right ankle sprain bago ang halftime habang may hyperextended knee si center Robert Williams matapos madaganan ni Brown sa first period.

Pinamunuan ni Pascal Siakam ang Toronto (20-27) sa kanyang 29 points at 10 assists.

Sa Sacramento, nag­lista ni Tyrese Maxey ng 32 points para giyahan ang Philadelphia 76ers (30-16) sa 129-127 paglusot sa Kings (26-19).