MGA PAMPUBLIKONG HR PRACTITIONER, NAGTIPON-TIPON PARA SA NATIONWIDE SYMPOSIUM

NAGTIPON-TIPON sa pinakamalaking human resource (HR) conference sa bansa ang nasa higit 4,500 HR practitioners at mga pinuno ng gobyerno sa 2023 Public Sector HR Symposium na ginanap noong 26 hanggang 27 noong buwan ng Setyembre 2023 sa World Trade Center sa Pasay City.

Pinangunahan ng Civil Service Commission (CSC), sa pamamagitan ng Civil Service Institute, ang learning conference na may temang “Cultivating a Dynamic Culture for Resilient and Sustainable Public Sector Organizations.”

Nakatuon ang kaganapang ito sa mga estratehikong responsibilidad ng mga pinuno ng gobyerno at mga propesyonal sa HR sa paglinang ng isang daynamikong kultura upang itaguyod ang katatagan at pagpapanatili sa loob ng mga manggagawa at organisasyon ng pampublikong sektor.

Sa kanyang talumpati, binigyang-diin ni CSC Chairperson Karlo Nograles ang kritikal na papel ng CSC bilang sentral na institusyon ng HR ng burukrasya ng Pilipinas sa pagbabago ng pamamahala ng HR para sa 1.9 milyong manggagawa ng gobyerno.

“A bureaucracy marked by dynamic employees, sustainable management and leadership, and resilient organizations can readily adapt to abrupt changes and is capable of withstanding difficulties, therefore ensuring uninterrupted service delivery. By leveraging digital tools and innovation, we can streamline processes, enhance service delivery, and empower our civil servants to serve the public with greater efficiency and effectiveness,” ani Chairperson Nograles.

Itinampok sa dalawang araw na kaganapan ang mga plenary session ng mga kilalang eksperto mula sa publiko at pribadong sektor, na nagpakita ng kanilang mga daynamikong diskarte sa pagbabago ng kanilang mga proseso, sistema, istruktura, imprastraktura, at yamang tao.

Ang CSC ay naglunsad din ng dalawang bagong learning and development system sa ginanap na event tulad ng CSC Learning Management System (CSC-LMS) at ang Online Appointment Processing System (CSC-OAPS).

“The CSC-LMS is more than just a platform. It is a testament to our unwavering dedication to continuous learning wherever you are, and whenever you want it to be,” pagbibigay diin ni Chairperson Nograles ang kahalagahan ng CSC-LMS sa serbisyo ng gobyerno.

Samantala, binanggit ni CSC Commissioner Alvin R. Acosta na ang CSC-OAPS, na nakatakdang ilunsad sa mga yugto sa susunod na taon, ay magpapadali at magpapahusay sa pagproseso ng mga appointment sa gobyerno sa pamamagitan ng pagpapadali sa pagsusuri at pagpapatunay nito.

Ang ceremonial ribbon-cutting ng CSC-LMS Booth sa Symposium ay pinangunahan nina Assistant Commissioners Ariel G. Ronquillo at Jo Ann M. Burgos, kasama sina Acting Assistant Commissioners Judith Dongallo-Chicano, Karin Litz P. Zerna, at Nerissa B. Canguinan.

Sa ginanap na Symposium, isang segment ang inilaan din para parangalan ang apatnapu’t walong (48) mga pambihirang akreditadong external assessor ng PRIME-HRM program ng CSC.

Nagkaroon din ng pagkakataon ang mga kalahok na tuklasin ang exhibit booths ng maraming organisasyon, kabilang ang Australia Awards and Alumni Engagement Program, PLDT Inc., Business Maker Academy, Inc., Asea Metrics HR Solutions, Ateneo De Manila University Center for Organization Research and Development, Personnel Officers Associations of the Philippines, Inc., BusinessCoach, Inc., Center for Empowerment Seminars and Workshops Inc., Guthrie-Jensen Consultants, Inc., R. Walker Business Consulting, Human Resource Innovations and Solutions, at The Profiles Group of Companies .

Ang 2023 Public Sector HR Symposium ay isa sa mga highlight ng 123rd Philippine Civil Service Anniversary celebration.