Eagles dinagit ang Tigers

BALIK sa winning form ang Ateneo de Manila, pinatalsik ang upset-seeking University of Santo Tomas (UST) sa UAAP Season 86 men’s basketball Final Four race matapos ang 67-59 wagi sa Smart Araneta Colesium.

Ginupit ng Blue Eagles ang kanilang three-game losing streak para umangat ang rekord sa 5-6 — half-a-game katabi ang fourth – running Adamson Soaring Falcons.

Samantala, ang Growling Tigers nalasap ang kanilang ika-apat na talo at malaglag sa 1-10 sa eight-place.

“We’re happy to end that losing streak, that’s for sure,” Wika ni coach Tab Baldwin, na nalaktawan ang huling laro ng Ateneo kontra National University nakaraang Sabado dahil sa karamdaman

Pinamunuan ni Kai Ballungay ang opensiba ng Blue Eagles sa iniskor na 15 points,14 rebounds, at one assists habang si Chris Koon,na nakagawa lang ng 4-of-13 mula sa field laban sa National University (NU) last time, nagdagdag ng 12 points on 10 attempts, six rebounds,three assists, at one steal

Jared Brown bumakas ng 10 points para sa Blue Eagles,habang si Celis, na rookie mula sa Sacred Heart School-Ateneo de Cebu, nag-ambag ng eight points, 11 rebounds at three assists.

Dinugtungan ng Blue Eagles ang kanilang streak laban sa Growling Tigers sa 17 games sapul sa season 78.

Magtatapat ang Ateneo at Adamson University sa Linggo alas 2 ng hapon sa Smart Araneta Colesium.

Cabañero pinamunuan ang UST sa kinamadang 16 points,10 rebounds, seven assists at three steals habang si Pangilinan nagdagdag ng 13 points, five rebounds, at two assists.

Duremdes umayoda ng nine points at nine rebounds habang si Manaytay humatak ng 10 rebounds, at two points on 1-of-6 shooting clip para sa Growling Tigers.

Makakaharap ng UST ang NU sa Sabado alas 4 ng hapon sa Big Dome.